بانکی ناوەندی عێراق خشتەی فرۆشی دۆلاری بۆ ئەمڕۆ بڵاوکردەوە کە زیاتر لە ٢٩ ملیۆن دۆلاری بەشێوەی کاش خستەڕوو.
ئەمڕۆ سێشەممە بانکی ناوەندی بڕی ٢٦٨ ملیۆن و ٥٧٦ هەزار و ١٦٤ دۆلاری خستە بازاڕەوە کە ٢٣٨ ملیۆن و ٦٠٦ هەزار و ١٦٤ دۆلاری بەشێوەی حەواڵە و ٢٩ ملیۆن و ٩٧٠ هەزار دۆلاریشی بەشێوەی کاشە.
ماوەى چەند ڕۆژێکە نرخی دۆلارى ئەمریکى لە بازاڕەکانى عێراق و هەرێمى کوردستان بەرامبەر دینار بەشێوەیەکى بەرچاو بەرزبووەتەوە، بە جۆرێک لە ئێستادا ١٠٠ دۆلار بە ١٥٠ هەزار و ٧٠٠ دینارە، بەیانی بە ١٥٠ هەزار و ٢٥٠ دیناری عێراقی مامەڵەی پێوەدەکرا.