بانکی ناوەندی عێراق خشتەی فرۆشی دۆلاری بۆ ئەمڕۆ بڵاوکردەوە کە زیاتر لە ١٢ ملیۆن دۆلاری بەشێوەی کاش خستەڕوو.
ئەمڕۆ چوارشەممە بانکی ناوەندی بڕی ٢٨٠ ملیۆن و ٧٧٥ هەزار و ٥٦٥ دۆلاری خستە بازاڕەوە کە ٢٦٨ ملیۆن و ١٢٥ هەزار و ٥٦٥ دۆلاری بەشێوەی حەواڵە و ١٢ ملیۆن و ٦٥٠ هەزار دۆلاریشی بەشێوەی کاشە.
دوێنێ بانکی ناوەندی بڕی ٢٨٢ ملیۆن و ٧٩٠ هەزار و ١٥١ دۆلاری خستە بازاڕەوە کە ٦ ملیۆن و ٦٠٠ هەزار دۆلاری بەشێوەی کاش فرۆشرا.
بەیانی ئەمڕۆش لە کاتی کردنەوەی بازاڕی ئاڵوگۆڕی دراودا نرخی ١٠٠ دۆلار بە ١٤٨ هەزار و ٧٥٠ دیناری عێراقی مامەڵەی پێوەدەکرا.