سەرۆک وەزیارنی عێراق وتی" دەنگۆی بەكارهێنانی خاكی عێراق بۆ هێرشكردن بەهانەیە بۆ دەستدرێژیكردنە سەری بیانوویە و بەرژەوەندییە باڵاكانی عێراق دەخوازێت كار بۆ دورخستنەوەی خاك و ئاسمانی بكرێت لە جەنگ".
ئەنجومەنی وەزاری ئاسایشی نیشتمانی عێراق، بە سەرۆكایەتی محەمەد شیاع سودانی، فەرماندەی گشتی هێزە چەكدارەكانی عێراق كۆبوەوە و بە گوێرەی راگەیەنراوی نوسینگەی سەرۆک وەزیرانی عێراق ، لە کۆبوونەوەکەدا سودانی رایگەیاندووە" ئەو هەواڵانەی باس لە بەكارهێنانی خاكی عێراق دەكەن بۆ ئەنجامدانی هێرشكردن یان وەڵامدانەوەی دەستدرێژییەكان، بەهانەو بیانوی درۆیە، بۆ ئەوەی بكرێتە پاساو بۆ دەستدرێژیكردنە سەر عێراق و سەروەری و خاكەكەی".
سودانی دەشڵێت" بەرژەوەندییە باڵاكانی عێراق دەخوازێت كار بۆ دورخستنەوەی خاك و ئاسمانی بكرێت لە ئامرازەكانی جەنگ، كە قەوارەی زایۆنی دەیەوێت فراوانی بكات، بەهۆی سیاسەتە دوژمنكاریەكانی دژی وڵاتان و گەلانی ناوچەكە".