لیژنەی باڵای ئەمنیی بۆ سەرژمێریی دانیشتوان ڕایگەیاند'' لە ڕۆژانی سەرژمێریی کە دەکاتە ڕۆژانی چوارشەممە و پێنجشەممە، هەمو هێزە ئەمنی و سەربازییەکانی عێراق لە ئامادەباشیدا دەبن".
میقداد میری، وتەبێژی وەزارەتی ناوخۆی عێراق وتی" قەدەغەی هاتوچۆ لە کاتی سەرژمێریی گشتی لە کاتژمێر ١٢ی شەوی ١٩ی ئەم مانگە دەستپێدەکات و لە کاتژمێر ١٢ی شەوی ٢٢ی مانگ کۆتایی دێت و قەدەغەکە هەرێمی کوردستانیش دەگرێتەوە".
ڕونیشی کردوەتەوە، لەو دو ڕۆژەدا، جوڵەی هاوڵاتییان، ئۆتۆمبێل و شەمەندەفەرەکان سنوردار دەکرێن و قەدەغەی تەواویش لە نێوان شار، قەزا و گوندەکان جێبەجێ دەکرێت.
ئاماژەی بەوەش کردوە، قەدەغەکە حاڵەتە مرۆییە بەپەلەکان و دۆخە لەناکاوەکان ناگرێتەوە، بۆ نمونە دۆخێکی ئەمنی لەناکا و یان ڕوداوە سروشتیەکان و گۆرانی خێرای کەشوهەوا.