لە شەڕی دوو بنەماڵە لە پارێزگای موسەنا ئەندامێکی هێزە ئەمنییەكان کوژرا و ٦٠ كەسیش لەلاین هێزە ئەمنییەكانەوە دەستگیركران.
وەزارەتی ناوخۆی عێراق بڵاویكردەوە؛ شەوی رابردو لە ناحیەی كەرامەی پارێزگای موسەنا لەسەر كێشەی زەوی و زار شەڕ لەنێوان دوو بنەماڵە دروستبوە چەكی جۆراوجۆریش لە شەڕەكەدا بەكارهێنراوە.
بەپێی بەیاننامەكەی وەزارەتی ناوخۆ، بەهۆی شەڕی ئەم دوو بنەماڵەیەوە ئەندامێكی هێزە ئەمنییەكان كوژراوە و یەكێكی دیكەیش بریندار بوە، بەهۆی تێوەگلانیش لە شەڕەكەوە ٦٠ كەس لە هەردو بنەماڵەكە دەستگیركراون و چەندین چەكیش دەستیان بەسەرداگیراوە.
وەزارەتی ناوخۆی عێراق جەخت دەكاتەوە كە تەواوی ئەو كەسانەی لەم شەڕەوە تێوەگلاون روبەڕوی یاسا دەبنەوە و هەركەسیش ببێتە هۆی رشتنی خوێن بە ناهەق قورسترین سزا دەدرێت.