سه ڕچاوەیەکی ئەمنی لە بەغدا، ئێوارەی ئەمڕۆ چوارشەممه ڕایگەیاند، ڕۆژنامەنووس لەیس محەمەد رەزا به هۆی گولەی پاسەوانی بەرپرسێکەوە له بەغدای پایتەخت کوژرا .
میدیا عێراقییەکان بڵاویانکردۆتەوە، شەڕ و ناکۆکی لە نێوان ڕۆژنامەنووس لەیس محەمەد ڕەزا کە لە تۆڕی میدیایی هەواڵی عێراق کاردەکات و کارمەندێکی وەزارەتی ناوخۆ پەرەی سەندووە بۆ تەقەکردن و دەستبەجێ لە ناوچەی ئەلعەرەسات لە بەغدا کوژراوە.
پێدەچێت ئەو ئەفسەرە ئەمنییە لە دەستەی پاراستنی بەرپرسێک بێت"، لەئێستادا هێزە ئەمنییەکان بەدوای بکوژەکەدا دەگەڕێن، کە دوای ئەنجامدانی تاوانەکە هەڵاتووە".