بانکی ناوەندی عێراق ڕایدەگەیەنێت، مامەڵەکردنی بانکەکە بە دراوی کاغەز بۆ نیوە کەمبووەتەوە و دەشڵێت: هەر بەوشێوازەش بەردەوامدەبن تا ئەوکاتەی پارەی کاش ناهێڵن و هەمووی دەکەن بە پارەدانی ئەلیکترۆنی.
عەلی عەلاق، پارێزگاری بانکی ناوەندی عێراق ڕایگەیاند" حکومەت بەرەو پارەدانی ئەلیکترۆنی دەچێت و هەنگاوی باشی لەوبارەیەوە بڕیوە".
ڕاشیگەیاندووە"دەمانەوێت مامەڵەی سەرجەم وەزارەتەکان بکەین بە ئەلیکترۆنی و چیتر پارەی کاش لەناو فەرمانگە حکومییەکان بەکارنەیەت".
جەختیشی كردەوە، مامەڵەکردنی بانکەکە بە دراوی کاغەز بۆ نیوە کەمبووەتەوە و هەر بەوشێوازەش بەردەوامدەبن تا ئەوکاتەی پارەی کاش ناهێڵن و هەمووی دەکەن بە پارەدانی ئەلیکترۆنی.