وەزارەتی دادی عیراق جەختی کردەوە لەوەی پڕۆسەی لێبووردنی گشتی بەردەوامە و تائێستاش زیاتر لە دوو هەزار و ٥٠٠ بەندكراو ئازادكراون.
ئەمڕۆ هەینی ٢ی ئایار ئەحمەد لعێبی وتەبێژی وەزارەتی دادی عیراق راگەیاند"پڕۆسەی لێبووردنی گشتی بەردەوامە و تائێستاش زیاتر لە دوو هەزار و ٥٠٠ بەندكراو لە چوارچێوەی یاساكەدا ئازادكراون".
ئەحمەد لعێبی ئاشکراشی دەکات کە پرۆسەکە بەردەوام دەبیت بۆ سەرجەم ئەوانەی یاساكە دەیانگرێتەوە و لە ماوەیەکی کەمدا ئازاد دەکرێن.
ئەوەش لە کاتێکدایە کە لە عیراقدا ٣٠ بەندیخانە هەن، كە بە كۆی گشتی زیاتر لە ٦٧ هەزار بەندكراویان تێدایە و بەشیكیان دوای پەسەندكردنی یاسایی لێبووردنی گشتی لەلایەن ئەندامانی ئەنجومەنەوە ئازادكراون.