کۆمسیۆنی باڵای سەربەخۆی هەڵبژاردنەکان دەست بە وەرگرتنی لیستی ناوی کاندیدەکان دەکات بۆ هەڵبژاردنی پەرلەمانی عێراق و ماوەی مانگێک بەردەوام دەبێت.
عیماد جەمیل، سەرۆکی تیمی ڕاگەیاندنی کۆمسیۆنی باڵای سەربەخۆی هەڵبژاردنەکانی عێراق بە ڕۆژنامەی سەباحی ڕاگەیاند" لەمڕۆوە دەست بە دەستدەکەن بە وەرگرتنی لیستی کاندیدەکان و تا ڕۆژی ٢٤ی حوزەیران بەردەوام دەبێت".
بڕیارە ڕۆی ١١ی تشرینی دووەمی داهاتوو هەڵبژاردنی پەرلەمانی عێراق بەڕێوەبچێت و مەترسی هەیە کە هاوشێوەی هەڵبژاردنەکانی پێشوو، ماڵی گشتی بۆ بانگەشە بەکاربهێنرێت.
دوێنێش محەمەد شیاع سوودانی، سەرۆک وەزیرانی عێراق هۆشداری دا لە بەکارهێنانی ماڵی گشتی و هەژموونی سیاسی لە هەڵمەتەکانی بانگەشەی هەڵبژاردندا و جەختیکردەوە کە حکومەت ڕێکاری توند بۆ پاراستنی سەربەخۆیی پرۆسەی دەنگدان دەگرێتەبەر.