ئەمڕۆ شەممە دەزگای هەواڵگری عێراق دەستگیركردنی تۆڕێكی تاوانكاری ڕاگەیاند كە هەوڵی ئەنجامدانی "تیرۆر و تێكدانی ئاسایشی گشتیان" داوە.
دەزگاكە لە بەیاننامەیەكدا ڕایگەیاندووە" دەزگای هەواڵگری نیشتمانی بەردەوامە لە ڕووبەڕووبوونەوەی هەموو هەوڵەكان بە ئامانجی تێكدانی سەقامگیری ئاسایش و سەقامگیری لە عێراق".
وتیشی" لە ئۆپراسیۆنێکی نوێدا دەزگاكە بە هەماهەنگی لەگەڵ دەسەڵاتی دادوەری، توانی ئۆپەراسیۆنێكی پێشوەختە ئەنجام بدات كە لە ئەنجامدا تۆڕێكی تاوانكاری دەستگیركرا كە هەوڵی ئەنجامدانی تیرۆركردن و پەكخستنی ئاسایشی گشتی لە عێراق داوە".
لەبەیاننامەكەدا هاتووە" ئۆپەراسیۆنەكە بە پشتبەستن بە زانیارییە هەواڵگرییە وردەكان و بەدواداچوونی مەیدانی پەیوەست بە هەوڵی كوشتنێك ئەنجامدراوە كە ژنە ڕۆژنامەنووسێكی كردووەتە ئامانج لە مانگی شوباتی ساڵی ڕابردوودا لە ڕێگەی ئەم زانیاریانەوە لقە ناوخۆییەكانی تۆڕەكە و پەیوەندییە دەرەكییەكان دەستنیشانكراون".
ڕاشیگەیاندووە" دوای بەدەستهێنانی ڕەزامەندی دادوەری و دەستنیشانكردنی شوێنی ئەندامەكانی لە ناوخۆی عێراق، هەڵیانكوتایە سەر حەشارگەكانیان و لە ئۆپەراسیۆنێكی پێشوەختە و هاوكاتدا لە چەند پارێزگایەك دەستگیركران".