ئەمڕۆ شەممە، ١٩ی تەممووزی ٢٠٢٥، لیژنەی لێکۆڵینەوە لە ڕووداوی ئاگرەکەی 'هایپەر مارکێتی' شاری کوت، ئەنجامە سەرەتاییەکانی ڕاگەیاند، دەرەنجامەکان لێکۆڵینەوەی سەرەتایی بریتین لە ڕاگرتنی ١٧ بەرپرس و فەرمانبەری حکوومی و سێ ئەفسەر، کە بەهۆی کەمتەرخەمی کارەساتەکەی گەورەتر کردووە و زیانەکانی زیاتر بوونە.
میقداد میری، بەرپرسی بەشی پەیوەندییە گشتییەکان و راگەیاندن لە وەزارەتی ناوخۆی عێراق رایگەیاند" لیژنەی باڵای لێکۆڵینەوە کە بە فەرمانی سەرۆک وەزیران پێکهێنراوە، بەشێکی بەرچاوی کارەکانی بە ئەنجام گەیاندووە، دوای کۆکردنەوەی زانیاری و بەڵگە و ئەنجامدانی پێداچونەوەی مەیدانی لەگەڵ شایەتحاڵ و بەرپرسان، لە ئەنجامی لێکۆڵینەوە سەرەتاییەکاندا دەرکەوت، کەمتەرخەمییەکی روون لەلایەن ژمارەیەک بەرپرس و کارمەندەوە لە چەندین فەرمانگە هەبووە، ئەمەش کارەساتەکە و زیانەکانی گەورەتر كردووە".
وتیشی" لیژنەکە بڕیاریداوە بە راگرتنی کاتیی ١٧ فەرمانبەر لە پارێزگاكە، تا تەواوبوونی رێکارەکانی لێکۆڵینەوە و کارگێڕی بەرامبەریان".
ئاشکراشی کرد کە لیژنەکە بڕیاریداوە سێ ئەفسەر دەستبەسەر بكات، کە بریتین لە، بەڕێوەبەری بەشی ئاسایشی گەشتیاری و بەڕێوەبەری بەرگری شارستانی و فەرماندەی کەرتی یەکەمی بەرگری شارستانی.
١٧ـی تەممووزی ٢٠٢٥، بەهۆی ڕووداوێکی ئاگرکەوتنەوە لە مۆڵێکدا لە شاری کوت نزیکەی 70 کەس گیانیان لەدەستدا.