وەزارەتی نەوت ڕاگەیاند" لە مانگی ئەیلولدا کە زیاتر لە ١٠٢ ملیۆن بەرمیل نەوت لە ڕێگەی کۆمپانیای بەبازاڕکردنی نەوتی عێراق (سۆمۆ) هەناردە کراوە."
وەزارەتی نەوت کۆی گشتی هەناردەی نەوتی و داهاتە بەدەستهاتووەکانی بۆ مانگی ئەیلولی ڕابردوو بڵاوکردەوە، بەپێی ڕاگەیەندراوەکە، بڕی هەناردەی نەوتی خاو، کە شلەی چڕکراوەش دەگرێتەوە، گەیشتووەتە ١٠٢ ملیۆن و ١٥٠ هەزار و ٣٦٢ بەرمیل.
هاوکات داهاتەکانیش گەیشتوونەتە زیاتر لە شەش ملیار و ٩٦٢ ملیۆن و ١٢٤ هەزار دۆلار.
ئامارەکە ئاماژەی بەوەداوە، کۆی گشتی بڕی نەوتی خاوی هەناردەکراوی مانگی ئەیلولی ڕابردوو لە کێڵگە نەوتییەکانی ناوەڕاست و باشووری عێراق گەیشتووەتە ١٠٢ ملیۆن و ١٥٠ هەزار و ٣٦٢ بەرمیل.