دەستەی کەشناسی عێراق ئاشکرای دەکات کە ئەمڕۆ بارانبارینی مامناوەند بۆ بەخوڕ بەشێوەیەکی بەرفراوان ڕووبدات، لەوانە باکور و ڕۆژهەڵاتی نەینەوا، دهۆک، هەولێر، سلێمانی و کەرکوک، و ڕێژەی بارانبارین لە نێوان ٣٠ بۆ ٧٠ ملیمەتر.
لە هەندێک ناوچەی سنوورداردا دەگاتە ٨٠ بۆ ١٠٠ ملیمەتر، بەتایبەتی بەرزاییەکانی ڕۆژهەڵات و باکووری ڕۆژهەڵات، لەگەڵ چالاکییەکانی ڕەشەبادا، هەروەها پێشبینی دەکرێت بەفرێکی زۆر لە بەرزاییە شاخاوییەکاندا ببارێت.
ئاماژەی بەوەشکردووە کە چالاکیی بارانبارین لە بەشی ڕۆژهەڵاتی هەرێمەکە زیاد دەکات، بەتایبەتی لە دیالە و ڕۆژهەڵاتی سەلاحەدین و ڕۆژهەڵاتی واست، بڕی بارانبارین دەگاتە نزیکەی ٢٥ بۆ ٤٠ ملم
دەشڵیت " چالاکی با لەکاتەکانی بەیانی و پاشنیوەڕۆی ڕۆژی یەکشەممەدا، زیاتر دەبێت کە خێراییەکەی دەگاتە ٤٥ کیلۆمەتر لە کاتژمێرێکدا.
لە راگەیەنراوەکەشدا هاتووە کە پلەکانی گەرما بەشیوەیەکی بەرچاو دادەبەزن و لە زۆربەی شارەکاندا دەگاتە سفر .
ڕێکخراوەکە داوای لە هاووڵاتیان کردووە "وریا بن، بەتایبەتی لە ناوچەکانی باکوور کە بەر باران و لافاوێکی زۆر دەکەوێت، هەروەها لە ناوچە شاخاوییەکانیش بەهۆی بەفربارین و خراپی بینین، هەروەها گرنگی بە هەوای ساردی شەوانە و سەعاتەکانی زووی بەیانیان و چالاکیی بای بەرهەمهێنەری خۆڵ لە ڕۆژئاوا و ناوەڕاستی وڵات بدەن”.