دەستەی کەشناسی عێراق دەستپێکی شەپۆلێکی سەرمای سەختی جەمسەری ڕاگەیاند کە کاریگەری لەسەر هەموو ناوچەکانی عێراق دەبێت، ئاماژەی بەوەشکرد کە نزمترین پلەکانی گەرما لە زۆربەی شارەکانی باکور و ناوچەکانی ڕۆژئاوا و بەشێکی ناوچەکانی ناوەڕاست دەگاتە سفر پلەی سەدی یان کەمتر.
لە راگەیەنراوێکدا رۆژی شەممە دەستەی کەشناسی عێراق بڵاویکردووەتەوە کە "بەهۆی کاریگەرییەکانی شەپۆلی جەمسەری، پێشبینی دەکرێت کەش و هەوای زۆر سارد لە سەرجەم ناوچەکانی عێراق لە کاتژمێرەکانی بەیانی و شەودا زاڵ بێت، کە دەبێتە هۆی دابەزینی بەرچاوی نزمترین پلەی گەرما بۆ سفر پلەی سەدی یان کەمتر لە زۆربەی شارەکانی باکور و ڕۆژئاوا و بەشێکی ناوەند، هەروەها بەرزبوونەوەی ڕێژەیی پلەکانی گەرما لە ناوچەکانی ناوەند و باشوور."
ئاماژه ی بەوەشدا "ئەمەش لەگەڵ چالاکیی بای وشکی باکوور بۆ باکووری ڕۆژئاوا، کە بەشدارە لە زیادبوونی هەستکردن بە سەرما بەتایبەتی لەکاتی شەوان و بەیانی زوودا بەتایبەت لە ناوچە بیابانییەکان و بەرزاییە شاخاوییەکان".
جەختیشی لەوە کردەوە کە "ئەگەری دروستبوونی بەستەڵەک هەیە، ئەمەش پێویستی بە وریایی و گرتنەبەری ڕێوشوێنی پێویست هەیە".