بۆ یەکەمجار لە سەرەتای دامەزراندنیەوە، هاوپەیمانی دەسەڵاتداری (چوارچێوەی هەوئاهەنگی) لە عێراق ڕووبەڕووی تاقیکردنەوەیەکی ناوخۆیی بێ وێنە بووەتەوە، دوای کاندیدکردنی نوری مالیکی، سەرۆک وەزیرانی پێشوو بۆ سەرۆکایەتی حکومەتی داهاتوو، كۆدەنگی و زۆرینە و دوو لەسەر سێ لە چوارچێوەی هەوئاهەنگی لەدەستداوە لە ئێستادا تەنها شەش هێز پتشیوانی كاندیدكردنەوەی مالیکی دەكەن.
سەرەڕای هەڵوێستی ئەم دواییەی کە تێیدا چوارچێوەی هەوئاهەنگی پابەندبوونی خۆی بە کاندیدبوونی مالیکی ڕاگەیاند، نەخشەی ئێستای پۆستەکان دابەشبوونێکی ڕوون لە چوارچێوەکەدا نیشان دەدات، سەرچاوەیەکی ئاگادار لە چوارچێوە بە(العربی الجدید) ڕاگەیاند کە " لە کۆی ١٢ هێزی سیاسی لە چوارچێوەی هەماهەنگیدا، تەنها شەشیان پابەندن بە کاندیدکردنی مالیکی"، ئاماژەی بەوەشکرد کە "دەوڵەتی یاسا، بەدر، ئەنجومەنی باڵا، هاوپەیمانی بنەڕەتی و سەید ئەلشوهادە ئەوانەن کە پابەندن پێیەوە".
ئەو سەرچاوەیە زیادی کرد: ئەوانەی دوودڵن لە کاندیدبوون بریتین لە بزووتنەوەی حیکمەت، سادقون، خدمەت و نەسر، هەروەها ئاوەدانکردنەوە و گەشەپێدان بە سەرۆکایەتی محەمەد شیاع سودانی، لەنێویاندا بلۆکی بنەڕەتی بە سەرۆکایەتی ئەحمەد ئەسەدی، ڕۆڵێکی بێلایەن دەگێڕن".
سەرچاوەیە دەشڵێت" هێزە کۆنەپەرستەکان یان ئۆپۆزسیۆنەکان وەک کەسایەتییەکی سیاسی دژایەتی مالیکی ناکەن، بەڵکو دژایەتی کاتی کاندیدبوون و ئەگەری دەرئەنجامە ناوچەیی و نێودەوڵەتییەکانی و ئەو فشارانەیە کە ڕەنگە بیخاتە سەر حکومەتی داهاتوو بە لەبەرچاوگرتنی دۆخی ئاڵۆزی دارایی و قۆناغەکانی".