وەزارەتی کاروباری دەرەوەی فەڕەنسا، راگەیاندراوێکی بڵاوکردەوە سەبارەت بە ئاگادارکردنەوەی هاوڵاتیانی کە لە ئێستادا لە عێراقن و دەڵیت "ئەو وڵاتە جێبهێڵن".
یەک شەممە، ٨ ئادار ٢٠٢٦، وەزارەتی كاروباری دەرەوەی فەڕەنسا ڕایگەیاند "بەهۆی خراپبوونی دۆخی ئەمنی لە ناوچەكە، پێویستە هەموو هاووڵاتییە فەڕەنسییەكانی کە لە عێراقن ئەو وڵاتە جێبێڵن، و پێویستە بەر لە رۆیشتنیان، نێردەی دپلۆماسیی فڕەنسی لە عێراق ئاگاداربكەنەوە، هاوكات داوا لە فڕەنسییەكان دەكەین گەشت بۆ عێراق نەكەن".
ئەوم ئاگادارکردنەوەی حکومەتی فەرەنسا بۆ هاوڵاتیانی دوای هێرشەکانی ئەمریکا و ئیسرائیلە بۆ ئێران لە ٢٨ شوباتی ئەم ساڵەوە و وەڵامدانەوەی ئێران بە بۆردومانکردنی کوردستان و وڵاتانی دیکەی ناوچەکە.