دوای نیوەڕۆی ئەمڕۆ بە پەبەستی دەنگدان بە کابینەی نوێی حکومەتی عێراق پەرلەمانی عێراق کۆبوەوە و متمانە بە کابینەکەی عەلی فالح زایدی و ١٤ وەزیر بەخشرا، بەڵام بەهۆی دروستبوونی گرژیەوە چەند وەزارەتێک یەکلا نەبوونەوە.
پێنج شەممە، ١٤ ئایار ٢٠٢٦، کۆبوونەوەکە کاتژمێر ٥:٤٥ خولەکی ئێوارە دەستیپێکرد و لە سەرەتای کۆبوونەوەکە ١٦٦ پەرلەمنتار ئامادەی دانیشتنەکە بوون و دوار ژمارەیان بەرزبوەوە بۆ ٢٧٠ پەرلەمانتار.
لەسەر داوای سەرۆکی پەرلەمان عەلی فالح زەیدی کارنامە وەزارییەکەی خوێندەوە و خرایە دەنگدانەوە و بە زۆرترین دەنگ کارنامەکە پەسەندکرا.
لە دواتردا پرۆسەی دەنگدان لەسەر بەربژێرانی وەزارەتەکان دەستی پێکرد و پەرلەمانتاران متمانەیان بە ١٤ وەزیر لە کابینەکەی عەلی زەیدی بەخشی.
هەریەک وەزارەتەکانی: سەرچاوەکانی ئاو، بازرگانی، داد، پەروەردە، گواستنەوە، دەرەوە، نەوت، پیشەسازی، کارەبا، تەندروستی، ژینگە، کشتوکاڵ، دارایی و پەیوەندییەکان، وەزیرەکانیان متمانەیان پێ درا.
لە کۆتایی پرۆسەکەدا لەسەر چەند پۆستێک ئاڵۆزی دروست بوو و سەرۆکی پەرلەمان کۆبونەوەکەی هەڵگرت بۆ کاتێکی دیکە، کە بەپێی زانیارییەکان رۆژی شەممە بەڕێوە دەچێت.
چاوەڕوان دەکرێت لە دانیشتنەکانی داهاتووی پەرلەماندا، ٩ وەزیرەکەی دیکەی کابینەی نوێی حکومەت یەکلایی بکرێنەوە.