نێرده‌ی‌ سه‌رۆكی‌ ئه‌مریكا پیرۆزبایی له‌ عه‌لی‌ زه‌یدی‌ ده‌كات به‌بۆنه‌ی‌ به‌ده‌ستهێنانی‌ متمانه‌ی په‌رله‌مان و په‌سه‌ندكردنی حكومه‌ته‌كه‌ی، ده‌شڵێت: "خوازیاری‌ پێكه‌وه‌كاركردنین بۆ بنیاتنانی عێراقێكی خاوه‌ن سه‌روه‌ری".

تۆم باراك باڵیۆزی‌ ئه‌مریكا و نێرده‌ی‌ سه‌رۆكی‌ ئه‌مریكا بۆ سوریا و عێراق له‌ پلاتفۆڕمی‌ (ئێكس) نووسی‌:

پیرۆزبایی له‌ عه‌لی زه‌یدی سه‌رۆك وه‌زیرانی عێراق ده‌كه‌ین به‌بۆنه‌ی به‌ده‌ستهێنانی‌ متمانه‌ی په‌رله‌مان و په‌سه‌ندكردنی حكومه‌ته‌كه‌ی له‌لایه‌ن ئه‌نجومه‌نی نوێنه‌رانه‌وه‌. ویلایەتە یەکگرتووەکان بە سەرکردایەتی دۆناڵد تره‌مپ و مارکۆ رۆبیۆ ئامادەن بۆ کارکردنی نزیک لەگەڵ حکومەتە نوێیەکە بە مەبەستی بونیادنانی عێراقێکی خاوەن سەروەری و سەقامگیر و پەرەپێدانی ئابووری و لەناوبردنی تیرۆر لە چوارچێوەی هاوبەشییەکی بەرهەمداردا.

دوێنێ پێنجشه‌ممه‌ ئه‌نجومه‌نی‌ نوێنه‌رانی‌ عێراق به‌ ئاماده‌بوونی‌ ٢٧٠ په‌رله‌مانتار و سه‌رۆك و سه‌ركرده‌ی‌ حزب و لایه‌نه‌ سیاسییه‌كان به‌ زۆرینه‌ی ده‌نگ كارنامه‌ وه‌زارییه‌كه‌ی عه‌لی‌ زه‌یدی‌ په‌سه‌ند كرد و متمانه‌ی به‌ ١٤ وه‌زیر به‌خشی.