وەزارەتی نەوتی عێراق ئاماری هەناردەی نەوت لەمانگی رابردوو ئاشكرا دەكات كە بەپێی ئامارەكە رێژەكەی زیادی كردوە.

 بەپێی راگەیەندراوێكی وەزارەتی نەوتی عێراق ، هەناردەی نەوت لە مانگی ئازاری رابردودا  101  ملیۆن‌ و 865 هەزار‌ و 415  بەرمیلبوە ، بەتێكرایش رۆژانە زیاتر لە 3 ملیۆن بەرمیل هەناردەكراوە.

عاسم جیهاد وتەبێژی وەزارەتی نەوت رایگەیاندوە بری داهاتی نەوتیش لەو مانگەدا 2 ملیار‌و 891  ملیۆن‌ و 575  هەزار دۆلار بوە و نری  بەرمیلێك نەوتیش بە (28) دۆلار فرۆشراوە.

وتەبێژی وەزارەتی نەوت  راشیگەیاندوە نەوت لە رێگای بەندەری جەیهانی توركیاوە هەناردە نەكراوە، بەهۆی ئەوەی هەرێمی كوردستان پابەند نەبووە بەرێكەوتننامەی نەوتیی نێوان هەولێر‌ و بەغدا.