سه‌رۆك وه‌زیرانی‌ عیراق بڕیاری‌ نوێی ڕاگەیاند

‌
سه‌رۆك وه‌زیرانی‌ عیراق بڕیاری‌ دا له‌مه‌ودوا رۆژانه‌ ئه‌نجومه‌نه‌ وه‌زارییه‌كان كۆببنه‌وه‌ بۆ ئه‌وه‌ی‌ چاكسازییه‌كان کە بەشێک لە داواکانی خۆپیشاندەرانە بخاته‌ بواری‌ جێبه‌جێكردنه‌وه‌.

به‌گوێره‌ی‌ راگه‌یه‌ندراوێكی‌ نووسینگه‌ی سه‌رۆك وه‌زیرانی‌ عیراق ئه‌مڕۆ سێشه‌ممه‌ عادل عه‌بدولمه‌هدی  بڕیاری‌ دا رۆژانه‌ ئه‌نجومه‌نه‌ وه‌زارییه‌كان كۆببنه‌وه‌.

ئاماژه‌ش به‌وه‌دراوه‌ كه‌ كۆبوونه‌وه‌كان به‌ سه‌رۆكایه‌تی‌ سه‌رۆكی‌ ئه‌نجومه‌ن و ئاماده‌بوونی‌ سه‌رجه‌م ئه‌ندامان ده‌بێت و كارنامه‌ی‌ كۆبوونه‌وه‌كان له‌لایه‌ن سه‌رۆكی‌ ئه‌نجومه‌ن به‌ هه‌ماهه‌نگی‌ سكرتاریه‌ته‌كه‌ی‌ داده‌نرێت.

نووسینگه‌كه‌ی‌ عادل عه‌بدولمه‌هدی‌ راشیگه‌یاند كه‌ ئه‌م بڕیاره‌ بۆ ئه‌وه‌یه‌ چاكسازییه‌كان بخرێنه‌ بواری‌ جێبه‌جێكردنه‌وه‌ و به‌دواداچوون بۆ داواكارییه‌ ره‌واكانی‌ هاوڵاتیانی‌ خۆپیشانده‌ر بكرێت.
 



PM:01:29:29/10/2019






ئەستێرەکان

Spee Media