شاعیری گەورەی سوری، ئەدۆنیس داوای گۆڕینی کۆمەڵگا دەکات شاعیری سووری ناسراو، ئەدۆنیس ڕۆژی چوارشەممە لە فەرەنساوە داوای کرد "کۆمەڵگە لە وڵاتەکەی سوریادا بگۆڕدرێت"، گۆڕانکاری تەنها سنووردار نەکرێت لە گۆڕینی سیستەمی سیاسیدا.
ئەدۆنیسی (٩٤ ساڵ) لە میانی کۆنگرەیەکی ڕۆژنامەوانیدا لە پاریس پێش وەرگرتنی خەڵاتێکی ئەدەبی بەناوبانگ، ڕایگەیاند" سەرەتا حەز دەکەم ڕەخنەی خۆم بگرم: لە ساڵی ١٩٥٦ەوە سوریام بەجێهێشتووە، بۆیە سوریا ناناسم ئەگەر بە قووڵی قسە بکەین".
ئاماژەی بەوەشکرد، "من دژ بووم و هەمیشەش دژی ئەم ڕژێمە بووم"، کە بەرەبەیانی ڕۆژی یەکشەممە کاتێک هێزە چەکدارەکانی ئۆپۆزسیۆن چوونە ناو دیمەشق، ئەمەش دوای ئەوەی ئەسەد هەڵهات بۆ مۆسکۆ و کۆتایی بە دەسەڵاتی ٢٤ ساڵەی هات کە لە ساڵی ٢٠١١ەوە شەرێکی ناوخۆیی دڕندانە لەو وڵاتەدا بەرپاربووە.
بەڵام ئەدۆنیس کە لە نزیک پاریس دەژی، لە میانی کۆنگرە ڕۆژنامەوانییەکەدا پرسیاری لە واقیعی ئەو گۆڕانکارییە کرد کە ئێستا لە سووریا ڕوودەدات، وتیشی، "ئەوانەی جێی ئەو (ئەسەد)یان گرتەوە، چی دەکەن؟ مەسەلەکە گۆڕینی دەسەڵات نییە، بەڵکو گۆڕینی کۆمەڵگایە".
ڕوونیشیکردەوە، ئەو گۆڕانکارییەی پێویستە "رزگاری ژنان و، دارشتنی بناغەی کۆمەڵگە لەسەر ماف و ئازادییەکان و، لەسەر کرانەوە و لەسەر سەربەخۆیی ناوخۆبێت".
ئەدۆنیس پێی وابوو "عەرەبەکان - نەک هەر عەرەب، بەڵکو لێرەدا باسی عەرەب دەکەم - کۆمەڵگا ناگۆڕن. ئەوان دەسەڵات و دەسەڵات دەگۆڕن. ئەگەر کۆمەڵگا نەگۆڕین، هیچ دەستکەوتێکمان دەستناکەوێت. گۆڕینی ڕژێمێک بە ڕژێمێکی دیکە ئەوەیە". تەنها شتێکی ڕووکەشە تەنها."
ئەو شاعیرە سوورییە لە پەراوێزی وەرگرتنی خەڵات بۆ سەرجەم بەرهەمەکانی کە بە زمانەکانی عەرەبی و فەرەنسی نووسراون، ئەم لێدوانەی دا.
ئەدۆنیس خەڵاتی شیعری نێودەوڵەتی جۆن مارگریتی بەدەستهێنا، کە لەلایەن پەیمانگای سێرڤانتێسەوە بەخشراوە، خەڵاتەکە ناوی شاعیرێکە کە بە زمانەکانی کەتەلۆنی و ئیسپانی نووسیویەتی.