كوڕە كوردێكی دیكە بەشداری پرۆگرامی ئەرەب گۆت تالێنت دەكات و بەوتی گۆرانیەكی ئۆپێرای ئەندامانی لیژنە و جەماوەر دەخاتە پێكەنین.
ئەو كوڕە ناوی ساڤین نزارە و تەمەنی 15 ساڵە و لە هەرێمی كوردستانەوە بەشداری پرۆگرامی ئەرەب گۆت تالێنی كەناڵی (MBC) كردووە.
لە سەرەتای بڕگەكەیدا و لە ڕاپۆرتێكدا ساڤین ئاماژە بەوە دەكات كە دەنگێكی بەهێزی هەیە و دڵنیایە لەوەی كە ئەندامانی لیژنە هەڵی ئاڵتونی پێدەدەن و ڕاستەوخۆ دەیگەیەننە ئەڵقەی كۆتایی، بەڵام دوای ئەوەی ئەندامانی لیژنە گوێ لە گۆرانییەكە دەگرن بەهۆی خراپی دەنگیەوە بە نەخێر وەڵامی دەدەنەوە.
ئەو كوڕە كوردە بەوەوە وازناهێنێت و جارێكی دیكە دەگەرێتەوە سەر ستەیجی پرۆگرامەكە و ڕایدەگەیەنێت كە ئەمجارە بە بەهرەیەكی جیاوازەوە خۆی دەردەخات ئەویش جوڵاندنی ئەندامەكانی لەشێتی بە شێوازێكی جیاواز، بەڵام ئەم جارەش پاش پێكەنینێكی زۆری ئەندامانی لیژنە، ساڤین جارێكی دیكە بە نەخێر وەڵام دەدرێتەوە.