دینا گۆرانبێژی باشووری کوردستان، نوێترین بەرهەمی خۆی بەشێوەی ڤیدیۆ کلیپ بڵاوکردەوە.
دینا لە چەناڵی یوتوبی تایبەت بە خۆی بەرهەمێکی نوێی بە ناوی (خۆش بژی) بڵاوکردەوە کە لە تێکستی خۆی و مازیار فایەقە و ئاوازی ئاریۆس پرۆدەکشنە، کاری ماسترینگی لەلایەن تایف عادلەوە بۆ ئەنجامدراوە.
دینا لە شاری ڕانیە لەدایکبووە و لە شاری هەولێر نیشتەجێیە، لە مانگی تەموزی ٢٠١٧ دەستی بە کاری هونەری کردووە و یەکێکە لەو خانمە گۆرانیبێژانەی کە هونەرمەند و ئاوازدانەری کوردستان ھەڵکەوت زاھیر، کاری ھونەری بۆ دەکرد کە خاوەنی ئەلبومێک و چەند ڤیدیۆ کلیپێکە.
ساڵی ٢٠٢١ ئەو هونەرمەندە چووە ژیانی هاوسەرییەوە، ڕۆژی ٥ی تەموزی ٢٠٢٢ جیابوونەوەی خۆی لە هاوسەرەکەی ڕاگەیاند.