وێنەكەی ئایلانی تەمەن سێ ساڵ كاریگەرییەكی گەورەی لەسەر هەردی سەڵاح دروست دەكاتەوە دەیگەڕێنێتەوە بۆ گۆرانی وتن.
هەردی سەلاح كە ماوەی چەند ساڵێكە وازی لە گۆرانی وتن هێناوە و هیچ بەرهەمێكی تۆمار نەكردووە، لەڕێی پەیجە تایبەتەكەیەوە لە تۆڕی كۆمەڵایەتی فەیس بووك، گۆرانییەكی تایبەت بە ئایلان بڵاودەكاتەوە، كەسانێكی زۆریش گوێبیستی ئەو گۆرانییە دەبن.
گۆرانییەكە لە هۆنراوەی ئومێد ئەحمەدە و بێ بەكارهێنانی هیچ میوزكێك وتراوە، بەوتەی هەردی سەلاحیش تەنها بە مۆبایلەكەی تۆمار كردووە.
لەچەند ڕۆژی ڕابردووشدا چەندین هونەرمەندی دیكەی كورد و عەرەب و جیهانی بەشێوازی جیاواز لەسەر ئەو ڕووداوە هەڵوێستی خۆیان ڕاگەیاند.