هونەرمەند ناسری رەزازی لە دوو رۆژی رابردودا لەشاری سلێمانی نەشتەرگەریی بۆ كراو ئێستا لەماڵەكەی خۆی پشو دەدات، بەڕێوەبەری گشتی بەڕێوەبەرایەتی رۆشنبیری سلێمانیش دەڵێت: ئاگاتان لە رەزازی بێت بەرلەوەی بمرێت.

بابەكر دڕەیی بەڕێوەبەری گشتی بەڕێوەبەرایەتی رۆشنبیری و هونەری سلێمانی رایگەیاندووە، نەشتەرەگەرییەكی ناسری رەزازی زۆر گەورە نییەو ئێستا باری تەندروستی جێگیرەو بەرەو باشبوون دەچێت.

دڕەیی وتیشی: ئێوارەی ئەمڕۆ 1-6 لەماڵەكەی خۆی لە دوكان سەردانی رەزازیم كردووە، ئێستا تەندروستی باشە، بەڵام دەمەوێت بڵێم پێویستە لایەنی پەیوەندیدارەكان و خەڵكی ئاگایان لەهونەرمەندان و ناسری رەزازیش بێت وەك هونەرمەندێكی گەورە تا لەژیاندا ماون و بەرلەوەی بمرن.