زرێبار هەورامی، بێژەری پێشووی کەناڵی ئێن ئاڕ تی کە ئێستا کۆمپانیایەکی جلوبەرگی داناوە، کۆمەڵێک هەلی کاری نوێی ڕاگەیاند
زرێبار لە پێگەی تایبەتی خۆی نوێترین وێنەی بڵاوکردووەتەوە و نوسیویەتی "کۆمپانیای (زرێبار) بۆ جلوبەرگی ئامادەکراو هەلێکی نوێی کار رادەگەیەنێت و بواری کارکردنی کۆمپانیاکە فراوانتر دەکرێت".
هەروەها زرێبار نوسیویەتی "دوای ئەو سەرکەوتنەی لەبواری جلوبەرگی سەربازی ئامادەکراو بەدەستی هێناو توانیمان چەندین ئۆفەرو گرێبەستی کار بەدەست بهێنین، لەئێستاداو لە شاری سلێمانی، کۆمپانیای (زرێبار) لقێکی نوێ بۆ ئامادەکردنی جلوبەرگی (یەکپۆشی قوتابخانەو ناوەندەکانی خوێندن || دامەزراوەو کۆمپانیاکان || جلوبەرگی دڵنیایی و خۆپاراستن || جلوبەرگی فەرمی فڕۆکەخانەو تەواوی فەرمانگە حکومی و ئەهلییەکان)."
زرێبار لەکۆتایی نوسینەکەیدا باس لە کۆمپانیاکەی دەکات و دەڵێت "کارەکانی کۆمپانیا خاوەن کواڵیتییەکی بەرزەو وردی و سەرنجڕاکێشی لە دیزاینەکانمان لەبەرچاو گیراوە، سەرەڕای هەموو ئەمانەش نرخەکانمان بە دڵی ئێوە دەبێت".