ئەستێرەی بەناوبانگی میسری ماجیدە سیباحی دوای چەندین ساڵ لە دووركەوتنەوەی لە ڕاگەیاندنەكان دەردەكەوێتەوە.
ماجیدە سیباحی لە چەند ڕۆژی ڕابردوودا لە یەكێك لە نەخۆشیخانەكانی میسر نەشتەرگەرییەكی گەورەی دڵی بۆ ئەنجام دەدرێت و دوای باشبونی باری تەندروستیشی لەڕێی تەلەفونەوە بەشداری پرۆگرامێكی كەناڵی (دریم 2) دەكات.
سیباحی لە باس لە باشبونی دۆخی تەندروستی خۆی دەكات و هیواش دەخوازێت دوای جێهێشتنی نەخۆشخانە چاوی بە عەبدولفەتاح سیسی سەرۆكی میسر بكەوێت.
ماجیدە سیباحی ساڵی 1931 لەدایكبووە و ساڵی 1949 دەستی بە ئەنجامدانی كاری هونەری كردووە و لە چەندین فیلمی بەناوبانگی میسریدا ڕۆڵی سەرەكی گێڕاوە و بەهۆی جوانی و سەرنجڕاكێشییەوە بە یەكێك لە دیارترین ئەستێرەكانی ئەو ولاتە دانراوە نازناوی هەسارە و پاكیزەی شاشەی عەرەبی پێبەخشراوە، بەڵام لە ساڵی 1994 بەهۆی چونە تەمەنەوە بڕیاری دووبەكەوتنەوە دەدات لە كاری نواندن.