شەوی ڕابردوو
هونەرمەندی بەناوبانگی تورکیا ھارون کۆڵچاک لە تەمەنی 62 ساڵیدا بەهۆی نەخۆشی
شێرپەنجەوە کۆچی دوایی کرد.
میدیاکان بڵاویانکردووەتەوە، ھارون کۆڵچاک، هونەرمەندی ناوداری
پۆپی تورکی، لە تەمەنی 62 ساڵی و بەھۆی نەخۆشیی شێرپەنجەوە، کۆچی دوایی کرد.
ئەو گۆرانیبێژە لەسەر ستایلی پۆپ گۆرانی دەڵێ و ناوبانگێکی زۆری
لە تورکیا ھەبوو، کۆچی دوایی کردنەکەشی بووە هەواڵی بەپەلەی زۆربەی میدیاکان
بڕیارە سبەینێ هەینی بە
ئامادەبوونی سەرۆک وەزیرانی تورکیا و وەزیری کولتووریی تورکیا، کاتژمێر 10 لەئیستەنبوڵ بە خاک بسپێردرێت.
هاوکات ھارون کوڕی ئەشڕەف کۆڵچاک، سینەماکاری بەناوبانگی
تورکیایە، لە 15ی تەمووزی ساڵی 1955 لەئیستەنبوڵ لەدایک بوو، جگە لەوەی زۆربەی
ئاواز و ھۆنراوەکانی گۆرانییەکانی بۆ خۆی دایدەنا، لەھەمان کاتدا ئاواز و ھۆنراوەی
بۆ چەندین گۆرانیبێژی تورکیاش داناوە، ناسراوترین ئەلبوومیشی (لێم ببورە) بووە، کە
لەساڵی دا1991 بڵاوی کردووەتەوە و فرۆشێکی زۆریشی ھەبووە