ئەژین ئازاد، پێشکەشکاری پێشوو بە بۆنەی رۆژی لەدایکبوونیەوە وێنەیەکی خۆی بە ستایلی نوێ بڵاودەکاتەوە،

ئەژین لەلاپەرەی خۆی لە ئینستاگرام وێنەیەکی خۆی بڵاوکردووەتەوە و نووسویەتی "وا ساڵێكی تری ته‌مه‌نم به‌ڕێكرد و مۆمێکی ترى ته‌مه‌نم داگیرساند و له‌ سایه‌ی خوا پێم نایه‌ ده‌رفه‌تێكی تری ته‌مه‌ن بۆ ده‌رفه‌تی دوباره‌ ژیان له‌گه‌ڵ ئازیز و خۆشه‌ویسته‌كانم و هه‌روه‌ها بۆ خۆشی و ناخۆشی و به‌دیهێنانی خۆزگه‌ و خه‌ون و ئاواته‌كانم
بۆ من نه‌ك هه‌ر ئه‌مساڵ به‌ڵكو هه‌موو ساڵێك و هه‌موو رۆژ و چركه‌ساتێکم بە ئاکامی و ناکامییەکانی ژیانمەوە لاى من نرخ و به‌هاى خۆى هه‌بوه‌ و هه‌یه‌،هه‌موو ساڵێك و چركه‌ساتێکم به‌ ئومێدێكه‌وه‌ به‌ڕێكردوه‌ و هه‌نگاوه‌كانم بۆ گه‌یشتن بوه‌ به‌ ئاواته‌كانم..هه‌میشه سات بە سات بە هەستی کۆشش و تامەزرۆییەوە بۆ ژیان بەرەو ئامانج و خەونی سەرەکی هەنگاوم ناوە و هەنگاو دەنێم و کۆڵم نەداوە‌،به‌ڵام گرنگترین شت كه‌ له‌ مندا ناگۆرێت و هه‌میشه‌ نرخ و به‌هاى خۆى هه‌یه‌ لام،هه‌ستی پر تاسه‌ و ئه‌وینمه بۆ ژیان،ژیان له‌گه‌ڵ ئازیزانم و هه‌ستى خۆشه‌ویستیم بۆ دایك و باوك و خوشك و براكانم و ته‌واوى هاوڕێ و ئازیز و دڵسۆزان و مرۆڤایه‌تى به‌ گشتى و هه‌ستى خۆشه‌ویستى و دڵسۆزیم بۆ بوارەکەم...........
بەم بۆنەیەوە و هەر لێرەوە سوپاسی خزم و دۆستانم و تەواوی هاوڕێ ئازیزەکانم و دەکەم کە بە هەر رێگایەك پیرۆزبایی رۆژی لەدایکبونیان لێکردوم و هیوام تەمەن درێژی و ژیانێکی پڕ لە خۆشی و کامەرانییە بۆ گشت لایەك،دوبارە سوپاس هەموتان خۆشەویست و ئازیزن لام........."

ئەژین لەدایکبووی شاری سلێمانییە و پێشوتر پێشکەشکار بووە لە کەناڵی "کوردسات".