بەیانی ئەمڕۆ لە بازاڕەکانی جیهاندا نرخی نەوت بە هەردوو جۆرەکەیەوە بەشێوەیەکی بەرچاو ڕووی لە دابەزین کرد.
لە ئێستادا نرخی بەرمیلێک نەوتی خاوی ئەمریکی بەرز بووە و گەیشتە ٨١ دۆلار و ٢٨ سەنت، لە کاتێکدا لە کاتی داخستنی بازاڕدا بە ٨١ دۆلار و ٨١ سەنت بوو.
هەروەها نرخی یەک بەرمیل نەوتی برێنتیش گەیشتە ٧٦ دۆلار و ٣٤ سەنتە، بەڵام لە کاتی داخستنی بازاڕدا بە ٧٦ دۆلار و ٧٩ سەنت بوو.
گۆڕانکاری نرخی نەوت لە کاتێکدایە، لە ماوەکانی ڕابردوودا هەریەک لە (عێراق و روسیا و سعودیە و ئیمارات و جەزائیر و کوێت و عومان) رێککەوتبوون کە تاکو کۆتایی ئەمساڵ ئاستی بەرهەمهێنانی نەوت کەمبکەنەوە.
چاودێران گۆڕانکاری لە نرخی نەوت دەگەڕێننەوە بۆ بارگرژی سیاسی و سەربازی ناوچەی رۆژهەڵاتی ناوەڕاست کە بەهۆی شەڕی ئیسرائیل و فەلەستینییەکانەوە هاتۆتە ئاراوە.