کەشناسیی تورکیا هۆشداریی بارانی بەخوڕ لە١١ پارێزگای تورکیا و باکووری کوردستان دەدات و، هاوڵاتیانیش لە مەترسی روودانی لافاو ئاگادار دەکاتەوە.
کەشناسیی تورکیا لە راگەیاندنێکدا پێشبینی خۆی بۆ بارانی بەخوڕ لە ١١ پارێزگادا راگەیاند، لە پارێزگا کوردەکانیش؛ پارێزگاکانی ئەردەخان، قەرس و ئیدر لە باکووری کوردستانن.
کەشناسی مەترسی دروستبوونی لافاوی نەشاردۆتەوەو هۆشداری لەو بارەیەوە دەدات بە هاوڵاتیان کە رێوشوێنی پێویست بگرنەبەر.
لە پارێزگاکانی باکوری کوردستان پلەکانی گەرما ٣ بۆ ٥ پلە دادەبەزن.
دیاردەی بارانبارینی زۆری ئەمساڵ لە کۆتایی بەهاردا لە تورکیا دیاردەیەکی دەگمەنی ئەمساڵی ئەو وڵاتەو ناوچەکەیە.