ئەمڕۆ شەممە ٢٩ی حوزەیرانی ٢٠٢٤ ژمارەیەک چەکداری نەناسراو لە پارێزگای سیستان و بەلوچستان هێرشیانکردەوە سەر ئۆتۆمبێلێک کە سندوقی هەڵبژاردنەکانی هەڵگرتبوو، لە ئەنجامدا دوو ئەندامی هێزێکی ئەمنی ئەو وڵاتە کوژران.
میدیاکانى کۆماری ئیسلامی ئێران بڵاویانکردەوە" ئەمڕۆ ژمارەیەک چەکدارى نەناسراو لە پارێزگای سیستان و بەلوچستان هێرشێکی چەکدارییان کردە سەر ئۆتۆمبێلێک کە سندوقی هەڵبژاردنەکانی هەڵگرتبوو".
ئاماژە بەوەشدەکەن، بەهۆی هێرشەکەوە دوو کارمەندى هێزە ئەمنییەکانى ئێران کوژران، هەروەها سێ کادیری کارگێڕی و پۆلیس برینداربوون لە ئێستاشدا بۆ وەرگرتنی چارەسەری پزیشیکی گواستراونەتەوە بۆ نەخۆشخانە.