بەیانی ئەمڕۆ چوارشەممە ١٧ی تەمموزی ٢٠٢٤ لەگەڵ کردنەوەی بازاڕی نەوت نرخی هەردوو جۆری نەوت، برێنت و خاوی ئەمەریکی چەند سەنتێک ڕووی لە دابەزین کرد.
لە ئێستادا نرخی یەک بەرمیل نەوتی برێنت بە ٨٣ دۆلار و ٦١ سەنت مامەڵەی پێوەدەکرێت، دوێنێ لە کاتی داخستندا بە ٨٣ دۆلار و ٧٨ سەنت بوو.
نرخی یەک بەرمیل نەوتی خاوی ئەمەریکیش بە ٧٩ دۆلار و ٦٢ سەنت مامەڵەی پێوەدەکرێت، لە کاتی داخستنی بازاڕدا بە ٧٩ دۆلار و ٧١ سەنت بوو.
ڕێکخراوی ئۆپێک پڵەس رۆژی ٢ی حوزەیرانی ئەمساڵ بڕیاریاندا بەرهەمهێنانی نەوت بە بڕی ٣ ملیۆن و ٦٦٠ هەزار بەرمیلی رۆژانە تا کۆتایی ئەمساڵ کەمبکەنەوە.
شارەزایانی بواری ئابووریش پێشبینی دەکەن کە بڕیارەکەی ئۆپێک پڵەس کاریگەری راستەوخۆی لەسەر نەوت دەبێت لە بازاڕەکانی جیهاندا و دەبێتە هۆی بەرزبوونەوەی زیاتری نرخی نەوت.