سەرۆکوەزیرانی ئیسرائیل پەیامێکی بڵاوکردەوە و دەڵێت" هەموو ئەوانە دەکەینە ئامانج کە دەیانەوێت دەستیان بە ئیسرائیل بگات".
بنامین ناتانیاهۆ، سهرۆك وهزیرانی ئیسرائیل کەمێک لەمەوبەر لە وتەیەکیدا رایگهیاند، هەموو ئەوانە دەکەینە ئامانج کەدەیانەوێت هێرش بکەنە سەر ئیسرائیل و ئامادەین بۆ هەموو سیناریۆکان. دەزانین چەند رۆژێکی سەخت لەبەردەمماندایە.
سەرۆک وەزیرانی ئیسرائیل ڕایگەیاند، لەماوەی دوو ڕۆژی ڕابردوودا لە سێ بەرەدا هێرشمان دەستپێکرد، و دوێنێش جێگری نەسروڵڵامان لە لوبنان کوشت و ئەویش بەرپرسیار بوو لە هێرشەکانی باکوور بۆ سەر هاوڵاتیانمان".
ئاماژەی بەوەشکرد، " ڕۆژانی سەخت لەپێشمانە لەگەڵ چەندین ئاڵەنگاری سەخت".
جەختیشی لەوە کردەوە"ئێمە ئامادەین بۆ هەموو سیناریۆکان و هەموو هەڕەشەکان، هەروەها لەژێر هیچ فشارێکی ناوخۆیی و دەرەکی ڕاناوەستین تا هەموو ئەو کەسانەی زیان بە ئیسرائیل دەگەیەنن لەناو نەبەین".
ناتانیاهۆ ئاماژەی بەوەدا کە " ئیسرائیل زەبری کوشندەی لە بریکارەکانی ئێران گەیاندووە، ئێمەش هەموو دەستکەوتەکانمان بەدەستهێنا، چونکە تەسلیم نەبووین".