ڕێبەری باڵای ئێران، بەیاننامەیەکی سەبارەت بە کوشتنی یەحیا سینوار بڵاوکردەوە و جەختی لەوە کردەوە کە" چەقۆیەکی توند و بوێرانەی لە ئیسرائیل داوە"، دەشڵێت" بزوتنەوەی حەماس زیندووە و بە زیندووی دەمێنێتەوە".
عهلی خامنهیی ڕێبەری باڵای کۆماری ئیسلامی ئێران، بەیانی ئەمڕۆ شەممە ١٩ی تشرینی یەکەمی ٢٠٢٤ له پهیامێكدا بڵاویكردهوه" یهحیا سینوار ڕووی گەشاوەی بەرخۆدان و خەبات بوو، بە ئیرادەیەکی پۆڵایینەوە لە بەرامبەر دوژمنی ستەمکار و دەستدرێژکار وەستایەوە".
دەشڵێت" کەسێکی وەک ئەو ژیانی خۆی بۆ ڕووبەڕووبوونەوەی دوژمن و ستەمکار بەسەر بردووە و جگە لە شەهیدبوون هیچ دەرەنجامێک شایستەی ئەو نییە".
خامنەیی ڕاشیگەیاند" بەرەی خۆڕاگری بچووکترین وەستان بەخۆیەوە نابینێت، بەو پێیەی بزووتنەوەی حەماس زیندووە و بە زیندووی دەمێنێتەوە، به ههموو دڵسۆزییهكهوه شانبهشانی ئازادیخوازان وهك پێشتر دهمێنێتهوه".
پەیامەکەی ڕێبەری باڵای ئێران لە کاتێکدایە، ئێوارەی ڕۆژی پێنجشەممە ١٧ی تشرینی یەکەمی ٢٠٢٤، سوپای ئیسرائیل هەواڵی کوژرانی یەحیا سنواری ڕاگەیاند.