ئەمڕۆ لە بازاڕەکانی جیهاندا نرخی نهوت بە هەردوو جۆرەکەیەوە برێنت و خاوی ئەمریکی سەرلەنوێ چەند سەنتێک ڕووی لە بەرزبوونەوە کرد.
ئەمڕۆ سێشەممە ٣١ی کانوونی یەکەمی ٢٠٢٤ نرخی یەک بەرمیل نەوتی خاوی برێنت بە ٧٤ دۆلار و ٦٣ سەنت مامەڵەی پێوەدەکرێت، بەڵام لە کاتی داخستنی بازاڕدا بە ٧٣ دۆلار و ٩٩ سەنت بوو.
هاوکات نرخی نەوتی خاوی ڕۆژئاوای تەکساسی ئەمریکا گەیشتە ٧١ دۆلار و ٦٤ سەنت، لە کاتێکدا لە کاتی داخستنی بازاڕدا بە ٧٠ دۆلار و ٩٩ سەنت بوو.
دوای ئەوەی داتاکان دەریانخست کە بەرهەمهێنان لە چین پەرەی سەندووە، ئەمەش ئەوە دەردەخات کە پاکێجێکی نوێی هاندان یارمەتیدەرە بۆ پشتگیریکردنی دووەم گەورەترین ئابووری جیهان و بووە هۆی سەرلەنوێ بەرزبوونەوەی نرخی نەوت لە بازاڕەکانی جیهاندا.
هەروەها دەسەڵاتدارانی چین ڕێککەوتن لەسەر دەرکردنی بۆندە تایبەتەکانی گەنجینەی بە بڕی ٤١١ ملیار دۆلار لە ساڵی ٢٠٢٥دا بۆ بوژاندنەوەی گەشەی ئابووری.