سەرۆکی هەڵبژێردراوی ئەمریکا پیرۆزبایی گەیشتنە ئەنجامی ئاگربەستی غەززەی کرد و دوپاتیشی کردەوە بەم نزیکانە کۆتایی دەهێنێت بە سەرجەم ناکۆکی و شەڕەکانی ناوچەکە و جیهان.
دۆناڵد ترەمپ، لە گردبونەوەیەکی جەماوەریدا لە واشنتۆن، ڕایگەیاند، کە بەهۆی هەوڵەکانی ئیدارەکەی بوە کە ڕێککەوتنی ئاگربەست ئەنجامدراوە و بەڵێنیشیدا بە زوترین کات کۆتایی بهێنیت بە سەرجەم شەڕەکانی جیهان.
سەرۆکی هەلبژێردراوی ئەمریکا، باسی لەوەشکرد، هەر لەگەڵ دەستبەکاربونی توندترین ڕێکارەکان لەسەر سنوری وڵاتەکەی دەگرێتەبەر و بە تەواوی سنورەکانی دادەخات.
لە درێژەی وتارەکەیدا ئاماژەی بەوەکرد، ئیدارەکەی کێشەی نابێت لەگەڵ هەبونی پلاتفۆڕمی تیکتۆک لە ئەمریکا ئەگەر هاتو لە %٥٠ی کۆمپانیاکە لەلایەن وەبەرهێنەرانی ئەمریکیەوە خاوەندارێتی بکرێت.