ئەمڕۆ دۆناڵد ترەمپ، سەرۆکی ئەمەریكا ژمارەیەك بڕیاری دەرکرد كە یەكێك لەوانە تایبەتە بە رێنمایی نوێ سەربارەت بە بێبەشکردنی كۆماری ئیسلامی ئێران لە بەدەستهێنانی سەرجەم هۆكار و ئامزارەكانی چەکی ئەتۆمی.
بەپێی ئەو بڕیارەی كە ترەمپ واژۆی کردووە گەڕاندنەوەی ئەمەریكایە بۆ سیاسەتی توند كردنەوەی سزاكان و زیاتر فشار خستنە سەر بەرپرسانی كۆماری ئیسلامی ئێران.
فەرمانەكە ئاڕاستەی وەزارەتی گەنجینەی ئەمەریکا دەكرێت كە مەبەست لێی سەپاندن و توندکردنەوەی سزا ئابورییەکانە بەسەر ئێراندا، ئەوەش بەئامانجی رێگریکردن لە دەستگەیشتنی ئێران بۆ رێگاکانی بەدەستهێنانی چەکی ئەتۆمی.
بەشێكی دیكە لە سزاكانی سەر كۆماری ئێران، هاوكاریكردنی نێوان وەزارەتی دەرەوەی ئەمەریكا و وەزارەتی گەنجینەیە بۆ جێبەجێكردنی كەمكردنەوە و رێگریكردن لە هەناردەكردنی نەوتی ئەو وڵاتە تا ئاستی سفر.
هەروەها ترەمپ ئاماژەی بەوشکردووە کە ئەگەر بێتوو ئێران دەستی لە "تیرۆرکردنی " ئەو هەبووبێت، بەدڵنیایەوە کۆماری ئیسلامی دەرووخێنێت.