بەرپرسانی ئەمریکا و ڕوسیا بۆ دانوستانەکانی ئاشتی ئۆکرانیا گەیشتنە پایتەختی سعودیە و گفتگۆکانیان دەستپێکرد،سەرۆکی ئۆکرانیاش ڕایگەیاند، دان بە هیچ ڕێکەوتنێک نانێت ئەگەر تێیدا بەشدار نەبن.
ئاژانسی ڕۆیتەرز بڵاویکردەوە، شاندەکانی ئەمریکا و روسیا گەیشتنە پایتەختی سعودیە و دەستیان
بە دانوستانەکان کردوە.
ئاژانسەکە ئاماژەی بۆ ئەوەشکردوە، شاندی ئەمریکی کە لە مارکۆ ڕوبیو وەزیری دەرەوە، مایک واڵتز ڕاوێژکاری ئاسایشی نیشتمانی کۆشکی سپی و ستیڤ ویتکۆڤ نێردەی تایبەتی دۆناڵد ترەمپ پێکدێن، شاندی روسیا پێکهاتوە لە سێرگی لاڤرۆڤ وەزیری دەرەوە و یوری ئوشاکۆڤ یاریدەدەری ڤلادیمێر پوتین بۆ کاروباری دەرەوە.
ئەوەش لەکاتێکدایە وڵاتانی ئەورووپی و ئۆکرانیا نیگەرانی خۆیان بۆ ئەو گفتگۆیانە دەربریەوە و سەرۆکی ئۆکرانیا ڕایگەیاند، لەو دانوستانانە بەشداری ناکەن و ڕێککەوتنەکانیشی بەفەرمی ناناسن.