سەرۆکی لیژنەی ئاسایشی نیشتمانی کنێستی ئیسرائیلی ڕایدەگەیەنێت" سوریا دەبێتە پردی ئیسرائیل بۆ گەیشتن بە فورات و لە داهاتوودا دەگەینە عێراق و کوردستان".
بەعیز بسومس سەرۆکی لیژنەی ئاسایشی نیشتمانی کنێستی ئیسرائیل، لە لێدوانێکدا بە میدیای وڵاتەکەی ڕاگەیاندووە" ئێمە ڕێگە نادەین لە دوای ڕووخانی ڕژێمی ئەسەد هێزێکی سەربازی لە سوریا سەرهەڵبدات و توانای سەربازی هەبێت".
لە درێژەی قسەکانیدا وتی" دیمەشق دەبێت لە ژێر کۆنترۆڵی تەواوەتی ئیسرائیلدا بێت و دڵنیا دەبینەوە لەوەی کە دێتە ژێر دەسەڵاتی ئێمەوە".
هەروەها بەعیز بسوس جەحتیکردەوە کە" سوریا دەبێت ببێتە پردی ئیسرائیل بۆ گەیشتن بە فورات و لە داهاتوودا دەگەینە عێراق و کوردستان".
چاودێران پێیانوایە لە دوای ڕووخانی ڕژێمی ئەسەد تا ئێستا ئەو دوو وڵاتەی زۆترین قازانجیانکردووە ئیسرائیل و تورکیایە.