وەزیری دەرەوەی ئەمریکا رایگەیاند، نیگەرانن لە ناسەقامگیری دۆخی تورکیا و سەرکوتکردنی ناڕەزایەتییەکان و وتیشی" بڕیار نیە لێدوان لەسەر هەموو بابەتێکی سیاسی ناوخۆیی لە تورکیا بدەن".
مارکۆ رۆبیۆ، بە رۆژنامەنووسانی راگەیاند" چاودێری دۆخی تورکیا دەکەن و نیگەرانی خۆیان دەربڕیوە و نایانەویت ئەو جۆرە ناسەقامگیریە لە حکومڕانی هیچ کام لە هاوپەیمانەکانیان ببینن".
وەزیری دەرەوەی ئەمریکا ئاماژەی بەوەکرد، ئەوان نیگەرانن لە دەستگیرکردن و سەرکوتکردنی ناڕەزایەتیەکانی لایەنگرانی ئۆپۆزسیۆن لەلایەن دەسەڵاتدارانی ئەو وڵاتەوە.
رۆبیۆ باسی لەوەشکرد" بڕیار نییە وڵاتەکەی لێدوان لەسەر هەموو بابەتێکی سیاسی و ناوخۆیی لە تورکیا بدات و خواستی واشنتۆنیشی بۆ کارکردن لەگەڵ رەجەب تەبیب ئەردۆغان، سەرۆککۆماری تورکیا دەربڕیوە".