بەرپرسێکی باڵای ئێرانی هۆشداری دەدات لەوەی ئەگەر هەڕەشە سەربازییەکان لە دژی وڵاتەکەی بەردەوام بێت پشکنەرانی ئاژانسی نێودەوڵەتیی وزەی ئەتۆم لە ئێران دەردەکەن و یۆرانیۆمی پێتێندراویش دەشارنەوە.
عەلی شەمخانی، ڕاوێژکاری ڕێبەری ئێران لە هەژماری تۆڕی کۆمەڵایتی ئێکسی خۆیدا نوسیویەتی" بەردەوامیی هەڕەشەکان و دانانی ئێران لە لێواری هێرشی سەربازیدا، دەتوانێ ببێتە هۆی دەرکردنی پشکنەرانی ئاژانسی نێودەوڵەتی وزەی ئەتۆم و وەستاندنی هەمو هاوکارییەکان لەگەڵ ئەو دەزگایە و گواستنەوەی یۆرانیۆم بۆ شوێنە سەلامەتەکان".
شەمخانی دەشڵێت" بەردەوامیی هەڕەشە دەرەکییەکان دەکرێت ببێتە هۆی هەنگاوی بەرەنگاربونەوە و پچڕاندنی پەیوەندییەکانی ئێران لەگەڵ ئاژانسی نێودەوڵەتی وزەی ئەتۆمی".