شەڕی سەپاندنی باج لەلایەن ئەمریكا و چین-ەوە بەسەر یەكتریدا بەردەوامە و ئەمڕۆش جارێكی دیكە چین ڕێژەی باجی لەسەر كاڵای ئەمریكی بۆ ١٢٥% بەرزكردەوە.
وتەبێژی وەزارەتی بازرگانی چین ڕایگەیاند، وەکو وەڵامێک بۆ سەپاندنی باجی زیاتر لەلایەن واشنتۆن بەسەر کاڵای هاوردەکراوی ئەو وڵاتە، چین باجی گومرگی بەسەر کاڵاکانی ئەمریکا بۆ ١٢٥% بەرز کردەوە.
ڕاشیگەیاند، باجی واشنتۆن لەسەر کاڵا چینییەکان هیچ گرنگییەکی ئابووری نییە و بۆتە یارییەکی ژمارە، کە هیچ گرنگییەکی ئابوری پراکتیکی نییە.
وتیشی" دەبێت ئەمریکا بەرپرسیارێتی تەواو هەڵبگرێت، بەرامبەر بەو پەککەوتنە توندەی ئابووری تەواوی جیهانی گرتۆتەوە".