وەزیری دەرەوەی عوممان رایگەیاند، گفتوگۆکانی نێوان ئەمریکاو ئێران کە لەوڵاتەکەی بەڕێوەچوو، لەکەشێکی دۆستانەدا ئەنجامدراوە.
بەدر ئەلبوسەعیدی- وەزیری دەرەوەی عوممان لە پلاتفۆرمی ئێکس بڵاویکردوەتەوە، ئەمرۆ شەممە لە شاری مەسقەت سەرپەرشتی دانوستانەکانی نێوان ئەمریکا و ئێرانی کردوەو دەشڵێت" گفتوگۆکان لە کەشێکی دۆستانەدا ئەنجامدراون و ئامانجیش لەو گفتوگۆیانە بۆ گەیشتن بوە بە رێککەوتنێکی دادپەروەرانە و پابەندکەر".
ئەلبوسەعیدی جەختیکردوەتەوە، کە "بە شانازییەوە میوانداریتی دکتۆر سەید عەباس عەراقچی وەزیری دەرەوەی ئێران و ستیڤ ویتکۆف، نێردەی سەرۆکایەتی ئەمریکامان کردوە و لەهەمان کاتیشدا رۆڵی نێوەندگیری بینیوە بۆ دەستپێکردنی پرۆسەی دیالۆگ و دانوستان و گەیشتن بە "رێککەوتنێکی دادپەروەرانە و پابەندکەر" و سوپاسی هەردولاشیکردوە کە لەکەشێکی دۆستانەدا بەشداری گفتوگۆکان بوون