سەرۆک وەزیرانی ئیسرائیل، پابەندبوونی خۆی بە ڕێگریکردن لە ئێران لە دەستکەوتنی چەکی ئەتۆمی ڕاگەیاند.
بنیامین ناتانیاهۆ، سەرۆک وەزیرانی ئیسرائیل، لە وتارێکدا دوای کۆتاییهاتنی خولی دووەمی دانوستانەکانی نێوان تاران و واشنتۆن، جارێکی دیکە وتی" پابەندم بەوەی ڕێگە نەدەم ئێران چەکی ئەتۆمی بەدەست بهێنێت. من تەنانەت یەک هەنگاویش لەم پابەندبوونە پاشەکشە ناکەم و بۆ ساتێکیش وازی لێناهێنم، تەنانەت بەقەد ملیمەترێک بچووک."
ناتانیاهۆ هەروەها ڕەخنەی توندی لە ڕەخنەگرانی ناوخۆی خۆی گرت و وتی" بەڕاستی جێگەی سەرسوڕمانە کە ئێستا دەبێت گوێ لە ڕەخنەکانی ئەو کەسانە بگرین کە بە درێژایی ئەم ساڵانە دژایەتی ئەو هەنگاوانەیان کرد کە من بۆ لێدانی بەرنامە ئەتۆمییەکەی ئێران و دواخستنی ئەو هەنگاوانەیان گرتبووەبەر".
سەرۆک وەزیرانی ئیسرائیل زیادی کرد" ئەگەر ئەو ڕێوشوێنانە نەگیرایەبەر، ئێران زیاتر لە دە ساڵە چەکی ئەتۆمی دەبوو".