ئەمڕۆ شەممە ١٤ی حوزەیرانی ٢٠٢٥، دوای هێرشەکانی ئێران بۆ سەر ئیسرائیل وەک وەڵامدانەوەیەک بۆ دەستپێکی هێرشەکانی بەرەبەیانی دوێنێ، نەوتی خاوی برێنت زیاتر لە ٨% بەرزبووەوە و بە ٧٤ دۆلار و ٢٣ سەنت مامەڵەی پێوەکرا.
هاوشێوەی نەوتی برێنت نرخی بەرمیلێک نەوتی تەکساسیش گۆڕانکاری بەسەرداهات، بە ٧٢ دۆلار و ٩٨ سەنت مامەڵەی پێوە دەکرێت.
ئەوەش دوای ئەوە دێت، بەرەبەیانی دوێنێ ئیسرائیل هێرشێکی ئاسمانیی بەرفراوانی کردە سەر ئێران و هێندەی دیکە ئاڵۆزییەکانی ناوچەکەی زیاد کرد، دواتر ئێرانیش هێرشەکانی خۆی بۆ ئیسرائیل دەستپێکرد و تا ئێستاش بەردەوامە.