سەرۆكی ئەمریكا رایدەگەیەنێت، نزیكبووینەتەوە لە رێككەوتن لەگەڵ هیندستان؛ رێککەوتنێکیش لەگەڵ چین واژۆ کراوە.
بەگوێرەی هەواڵی میدیا جیهانییەکان، دۆناڵد ترەمپ، سەرۆكی ئەمریكا رایگەیاند، نزیكبووینەتەوە لە "رێككەوتن لەگەڵ هیندستان و رێككەوتنێكمان لەگەڵ چینیش واژۆ كردووە".
بە وتەی ترەمپ، "كۆچبەرە تاوانبارەكان دیپۆرتی وڵاتەكانیان دەكەین و باج كەمدەكەینەوە".
لە بەرامبەردا، وەزارەتی بازرگانی چین رایگەیاندووە، "هیوادارین لەگەڵ ئەمریکا بگەینە رێککەوتن، چونکە گرنگییەکی زۆری بۆ هەردوو بواری ئابووری و ئەمنی دەبێت".
دەشڵێت" لەم دواییانەدا، دوای واژۆ کردنی رێککەوتنەکە، هەردوولا وردەکاری و داواکارییەکانیان پشتڕاستکردەوە، چین'ـیش کاری "پێداچوونەوە و پەسەندکردنی داواکارییەکان بۆ هەناردەکردنی کاڵا ڕێکخراوەکان دەکات ئەگەر هەردوولا پابەندبن".
وەزارەتی بازرگانی چین ڕوونیکردەوە کە "ئەم رێککەوتنە گرنگی گەورەی هەیە و لە رێگەیەوە ئەمریکا زنجیرەیەک سنووردارکردن و باج لەسەر چین هەڵدەگرێت".
ئەوەش لە کاتێکدایە کە رێکەوتنی بازرگانی چین و ئەمریکا کاریگەری لەسەر بازارە ئابوورییەکان داناوە بە جۆرێک کە نرخی زێڕ بۆ کەمترین ئاست لە ماوەی مانگی رابردوو دابەزیوە".