سەرۆک کۆماری ئێران پڕۆژەیاسای هەڵپەساردنی هەماهەنگی لەگەڵ ئاژانسی وزەی ئەتۆم پەسەندکردو چووە بواری جێبەجێكردنەوە.
ئەمڕۆ چوارشەممە ٢ی تەمموزی ٢٠٢٥ مەسعود پزشکیان سەرۆک کۆماری ئێران ، یاسایەی "جێبەجێکردنی پابەندکردنی حکومەت بە ڕاگرتنی هاوکاری لەگەڵ ئاژانسی نێودەوڵەتی وزەی ئەتۆمی" ڕاگەیاند.
ئاژانسی هەواڵی "تەسنیم" بڵاویكردەوە: ئەم یاسایە لە دوای هێرشەکانی ئەمریکا و ئیسرائیل بۆ سەر دامەزراوە ئەتۆمییەکانی ئێران هاتە ئاراوە، پەرلەمانتاران پرۆژە یاسایەکیان لەژێر ناوی هەڵپەساردنی هاوکاری نێوان کۆماری ئیسلامی ئێران و ئاژانسی نێودەوڵەتی وزەی ئەتۆمی لە پەرلەمان پێشكەشكرد و پەسەند کرا.
میدیاکانی ئێران کۆپییەکی نامەی پزیشکیانیان سەبارەت، بەم یاسایە بە ڕێکخراوی وزەی ئەتۆمی کۆماری ئیسلامی ئێران و ئەنجومەنی باڵای ئاسایشی نیشتمانی و وەزارەتی دەرەوە ڕاگەیاند.