نێردەی نەتەوەیەکگرتووەکان لە سووریا، ڕایگەیاند'' ئاڵۆزییەکانی سووریا بەڕێوەچوونی پڕۆسەی سیاسی دوادەخات و کۆبونەوەی نێوان هەسەدە و دەسەڵاتی کاتی سوریا بێ دەرئەنجام بووە.''

گێرپێدەرسن، لە کۆنگرەیەکی ڕۆژنامەوانیدا باسی لەوەکرد، پێویستە هەموو گرووپەکان چەکدابنێن جونکە بەهۆی ئەو گرژی و ئاڵۆزیانەی ڕودەدات بە دەیان هاوڵاتی مەدەنی کوژراون، ئاڵۆزییەکانی سووریا بەڕێوەچوونی پڕۆسەی سیاسی زیاتر دوادەخات.''

وتیشی'' کۆبوونەوەی نۆی ئەم مانگەی هەسەدە و دەسەڵاتی سووریا نەیتوانی ئەنجامەکەی بەدیبهێنێت، داوا لە هەردولا دەکەین سازش لەپێناو جێبەجێکردنی ڕێککەوتنی مەزڵووم عەبدی و ئەحمەد شەرع لە ئاداری ئەمساڵ بکەن.''

ئەمە لە کاتێکدایە، گرژی و ئاڵۆزییەکی زۆر لە سووریا هەیە و ئیسرائیلیش چەند جارێک بۆردومانی سووریای کردوە و سەرجەم لایەنە نێودەوڵەتییەکان هەوڵی ئاسایکردنەوەی بارودۆخی ئەو وڵاتە دەدەن.