ڕێکخراوی مافی مرۆڤی ( هەرانا ) ئاماری کوژرانی ژنانی لە رۆژهەڵاتی کوردستان و ئێران رایگەیاند کە لە چوار مانگدا ٤٥ ژن کوژراون.
لەبارەی لەلایەنی دەستدرێژیکار و بکوژ، رێکخراوی هەرانا ئاشکرای دەکات، هەموو ئەو حاڵەتی کوشتنانە لەلایەن بنەماڵە و ئەندامانی ناو خێزانەکانی قوربانییەکانەوە ئەنجامدراوە.
رێکخراوەکە وردەکاری بڵاودەکاتەوەو دەڵێت" لە مانگی ئادار ١٧ ژن، لە مانگی نیساندا ١٩ ژن، لە مانگی ئایار ٦ ژن، لە مانگی حوزەیران ٣ ژن کوژراون".
لە بارەی هۆکاری کوشتنەکانەوە، لە راپۆرتەکەدا هاتووە" ئەو کوشتنانە بە هۆکاری جیاوازی بنەماڵەیی، بە پاساوی شەرەف و دڵپیسی ڕوویداوە".
ئەو ئامێرەی تاوانەکانی پێئەنجامدراوە، چەک، چەقۆ و ئەشکەنجەدانی زۆر تاوانەکانی پێ ئەنجامدراوە.
لە ساڵی ڕابردوودا لە ڕۆژهەڵاتی کوردستان و ئێران، ١٥٨ ژن کوژراون و هەروەها، ١٦ هەزار و ٥٦٧ توندوتیژی خێزانی دژ بە ژنان تۆمار کراوە.